(ភាសាខ្មែរ) កិច្ចសន្ទនាយុវជនស្តីពី “បេឡាជាតិរបបសន្តិសុខសង្គមសម្រាប់យុវជន”

Sorry, this entry is only available in ភាសាខ្មែរ. For the sake of viewer convenience, the content is shown below in the alternative language. You may click the link to switch the active language.

នៅថ្ងៃអាទិត្យ ទី៤ ខែសីហា ឆ្នាំ២០១៩ អង្គការកម្មវិធីអភិវឌ្ឍធនធានយុវជន បានរៀបចំកិច្ចសន្ទនាយុវជនស្តីពី “បេឡាជាតិរបបសន្តិសុខសង្គមសម្រាប់យុវជន”។

វេទិការណ៍នេះដែរគឺជាការរៀបចំអោយមានការជួបគ្នារវាងអ្នកទទួលខុសត្រូវ នឹងតួរនាទីរបស់យុវជនក្នុងការបញ្ជ្រៀបនូវចំនេះដឹងផ្សេងៗទាក់ទងជាមួយនឹងសិទ្ធទទួលបានការងារ និងគន្លឹះនៃការចៀសវាងពីការរំលោភសិទ្ធិ ពីសំណាកនិយោជក(ថៅកែ)ក្នុងពេលបំពេញការងារ។

នៅក្នុងវេទិការនេះដែរក៏មានការអញ្ជើញចូលរួមពីសំណាកវាគ្មិនសំខានៗដូចជា៖

• លោក តាន់ វិសាល ៖ អ្នកសម្របសម្រួលកម្មវិធីកិច្ចគាំពារសង្គមនៃអង្គការ Oxfam
• អ្នកស្រី៖ អ៊ូ ទេពផល្លីន៖ ប្រធាន សហព័ន្ធសហជីពកម្មករចំណីអាហារ និងសេវាកម្មកម្ពុជា
• លោក ចាយ សំណាង៖ តំណាងបេឡាជាតិរបបសន្តិសុខសង្គម

គោលបំណងនៃការរៀបចំគឺ ដើម្បីផ្តល់ឱកាសឲ្យអ្នកចូលរួម ពិសេសយុវជនដែលកំពុងសិក្សា មានឱកាសស្វែងយល់បន្ថែមអំពីគោលនយោបាយថ្មីៗ និងអត្ថប្រយោជន៍នៃ ប.ស.ស ហើយក៏មានសិទ្ធិលើកឡើងនូវតម្រូវការរបស់ពួកគេដល់ថ្នាក់ដឹកនាំ  ដើម្បីធានាសិទ្ធិទទួលបានកិច្ចគាំពារសង្គមដល់និយោជិត និងរួមចំណែកក្នុងការកាត់បន្ថយភាពក្រីក្រ ដែលមាននៅក្នុងយុទ្ធសាស្ត្រចតុកោណរបស់រាជរដ្ឋាភិបាល។

កិច្ចសន្ទនានេះ មានអ្នកចូលរួមសរុបចំនួន ១១៨នាក់ ស្ត្រី ៦៤នាក់ ដែលជានយោជិត មកពីបណ្តាក្រុមហ៊ុនឯកជន ភោជនីយដ្ឋាន កន្លែងកំសាន្ត និងស្ថាប័ននានា រួមទាំងយុជនដែលកំពុងសិក្សាផងដែរ។